成人題材｜18+
52歲嘅1997年香港小姐冠軍翁嘉穗（Virginia）日前出席M+慈善晚宴，一身低胸黑色晚裝、上身金色閃片內搭、下身長黑裙，高貴又敢騷，瞬間成為全場焦點。
翁嘉穗本人喺社交平台發文，讚M+慈善晚宴係「本年度最令人期待的盛會之一」，並稱能夠與多位藝術家、收藏家同場交流，感到無比榮幸與感激。她自1999年嫁給年長20歲嘅七海化工集團主席鄔友正後便淡出娛樂圈，近年主要喺社交平台分享日常同凍齡狀態，今次亮相可謂久違。
52歲仲敢低胸、仲敢騷，仲搔到成場靜咗——呢種年齡落差，先至係真嘅反轉。
姣姐講多句：低胸晚裝唔代表低俗，亦唔代表「為博眼球」。一個52歲女人有權決定點樣著，年歲從來唔係性感嘅入場門檻；真正有問題嘅，係嗰個用年齡去量度女性身體嘅目光。
黃姣姐整合｜頂硬上
