胡定欣自爆首奪視後時自卑：不認同能力同個獎有關係，功歸田蕊妮

「我反而覺得連我自己都不認可自己嘅時候……當然是我感謝公司畀我個獎，但我不認同自己能力同個獎有關係。」呢句自爆，出自兩屆TVB視後胡定欣之口。

胡定欣近日應邀現身由伍詠薇（伍姑娘）同李凱賢（Brian）主持嘅HOY節目《九運會客室2》接受專訪。今初宣佈離巢孃家的佢，喺節目中剖白入行多年心路歷程，更驚爆2015年憑《鬼同你OT》攞攞佢第一座視後時，內心其實極度自卑。

「2015年的時候，我真的冇諗過會攞獎，因為我覺得自己唔係做得特別好。」佢透露，呢個角色對佢係一次新嘗試——要同時演一個「好mean的boss」同「好軟弱、變了一隻鬼、追尋自己得不到愛情」嘅人，仲正正係由女配角跳去做女主角嘅關卡。

「對手又這麼強。」當主持人問係劇本壓力大定對手壓力大，佢直接點名：「我會覺得係對手（田蕊妮），我覺得她演得很好。」攞咗獎，反將功勞歸咗人哋，呢種自謙到近乎自殘嘅講法，真係罕見。

不過到2016年，一切都有變。佢接拍《城寨英雄》飾演不顧矜持、性格潑辣的「刁蘭」，佢自認開拍時已心裏有數：「今年應該唔係我嘅了，行了，我等明年《城寨英雄》。」監製文偉鴻（Jazz）開工首日示範咗一場戲，令佢徹底開竅——「完全唔係我本人性格，豁出去！」「那場外景戲，我拍桌子叫人找一毫子，一毫子我都要跟你斤斤計較，還要扮得很Pretty！」

最終佢憑「刁蘭」順利連莊視後。佢笑言，兩度上頒獎台係「兩個狀態、兩個胡定欣，只不過相差一年」，回看《城寨英雄》重播時仲驚覺自己當時狀態極佳、容貌漂亮，真正體會到「行緊運」嘅感覺。