現年38歲嘅前TVB「咪神」白雲（Snowy），今趟帶住22歲德國機師男友飛毛里裘斯（Mauritius）度假，晒出多張同巨型抹香鯨同框嘅潛水照，仲預告之後要開收費直播講「我哋點認識」，好過癮。
上月初白雲高調認愛，公開同相差16歲嘅德國籍機師拍拖。佢2021年同建築師前夫離婚，結束5年婚姻，之前2020年已離開TVB轉做KOL。
呢趟去毛里裘斯，兩人着白色情侶裝泳衣出海打曬太陽，再一齊潛落深海同巨型抹香鯨同框暢泳。佢熱愛潛水，平日就鍾情扮「美人魚」。
陸上行程更加放閃：坐吉普車、手持木棍喺叢林行山睇野生獅子，全程依住男友身側。海邊岩頭男友仲將佢抱起，兩個喺沙灘夕陽下深情對望，畫面電影感爆棚。
佢為男友新開咗IG互相tag，親自發文預告：「💘🧜🏻♀️🐳 #mauritius Trip ✈️下次訂閲直播 subscribe live 講我們相識的過程🤗」，將戀情直接變流量密碼。
資料圖片：Pixabay
白雲承認兩人經歷過長時間分開，要克服年齡、地域同語言障礙。佢讚2004年出世嘅男友思想成熟，令佢「可以安心做個幼稚的小女人」。
早前佢曾因上載一張香腸美食照，被部分網民留言性騷擾；佢選擇懶理，繼續大方分享這段戀愛。
姣姐講多句
TVB咪女神轉做KOL，講真自由度同商業化都係另一套邏輯。開收費直播講相識經過呢招，講真係識揾錢，亦係將自己生活變做內容嘅最直接方式。
同時要講，佢面對咸濕留言「懶理」兩個字，好過網民替佢氣得跳腳。做嘢咁直接，真係好。
黃姣姐整合｜頂硬上
