澳洲西悉尼嘅 Powerhouse Parramatta 博物館喺 2026 年 11 月 7 日（星期六）正式對公眾開放。呢座被形容為「西悉尼嘅歌劇院」嘅新館，係西悉尼首個州級文化機構，亦係新南威州歷來最大嘅博物館，開幕同時設有五個展覽，展出超過 3,000 件藏品，並舉行 23 日開幕節慶，其中 65% 節目免費。
新館由法國-日本建築師事務所 Moreau Kusunoki 同澳洲 Genton 聯合設計，最醒目嘅係包覆兩座塔樓嘅白色鋼結構外框（steel lattice exoskeleton），由 1,300 塊构件、12,000 噸鋼組成，令內部可以設 18 米高嘅無柱式展覽空間，仲包括全澳最大嘅展廳。公共及展覽空間超過 18,000 平方米，另設河岸廣場、屋頂花園同觀景台。
開幕五個展覽主題涵蓋太空與飛行、購物中心文化、兒童夜間主題，以及英國設計師 Es Devlin 嘅首個大型澳洲展覽《The Turning》。美國光藝術大師 James Turrell 則喺塔樓頂層呈獻彩虹漸變嘅沉浸式裝置《Shangri La (Over The Hump)》，屬於佢嘅 Ganzfeld 系列，令觀者嘅地平線好似慢慢消失。另有一個展覽由 OMA/AMO 設計。
不過呢個項目自 2014 年宣佈以來就唔平靜。前員工同董事會成員批評新館令原 Ultimo 舊館被忽略，加上 9.15 億澳元嘅「肉臠價」，新南威州財政部曾就博物館嘅治理同採購指控展開調查。8 月底，距正式開門約十星期，CEO Lisa Havilah 被暫免職。
開門之後，最大嘅問題唔係「值唔值得」，而係：Parramatta 嘅人會唔會歡迎？悉尼其餘部分、甚至全澳嘅人，會唔會真係出嚟西悉尼睇？
硬蕉抽兩句：23 日節慶六成五免費 vs 自 2014 年嚟嘅長期爭議、CEO 開門前十週被撤，呢個反差本身就係最大嘅「免費節目」。1,300 塊鋼、12,000 噸、9.15 億澳元，數字越大爭議越大，呢個係澳洲文化項目嘅鐵律。
硬蕉哥整合｜頂硬上
