教宗良十四世（Pope Leo XIV，本名 Robert Francis Prevost）喺 10 月 3 日申請了郵寄選票，準備為家鄉美國伊利諾伊州嘅 2026 中期選舉投票。伊利諾伊州威爾縣（Will County）選務處證實，良十四世已被列入郵寄投票申請名單，並保留家鄉地址嘅選民登記。
根據相關記錄，佢曾喺 2008 年、2010 年民主黨初選，以及 2012 至 2016 年共和黨初選投票，喺多屆總統大選都投過票。伊州選民毋須登記黨籍，初選時可自行選擇政黨選票。
選票由當地寄往梵蒂岡，良十四世今次將就美國參議院議席爭奪戰、州長普利茲克（JB Pritzker）連任競選、威爾縣司法及縣級選舉等多場選戰投票。州選舉委員會發言人稱，所有伊州登記選民均可選擇郵寄投票，自 2010 年起唔使説明理由。
圖片：Edgar Beltrán , The Pillar／CC BY-SA 4.0／Wikimedia Commons
佢同美國總統特朗普（Donald Trump）就任以來多次公開交惡，涉及伊朗戰事、移民執法同委內瑞拉；教宗曾猛烈批評大規模驅逐移民及拆散移民家庭，特朗普 4 月曾稱呢位天主教領袖外交上「很糟糕」，教宗其後表明唔懼特朗普政府。
硬蕉抽兩句：教宗坐喺一個兩平方公里嘅神權政權入面，管全世界信徒嘅道德，自己嘅政治表態就靠郵寄。佢喺梵蒂岡批告解，喺伊利諾伊州批選票，真係跨國跨教跨政權。特朗普同佢交惡咗成排，佢投票投到伊州參議院，呢個反差真係一本正經嘅荒誕。
硬蕉哥整合｜頂硬上
