港鐵深水埗站月台，4名遊客行李箱當枱席地開餐，分食外賣燒肉飯，Threads 瘋傳。
港鐵月台都變 picnic spot？樓主原話：「拍卡入閘已經有個阿伯喺度食緊飯盒，點知月台都有人開緊餐，一大浸味。」
網民睇完全部笑到口歪，同時批佢哋行為離譜。「無處不開飯？」「開埋枱，真係癲」「真係勁，冇羞恥感」，仲有人開玩笑：「遲啲會唔會見到人開枱打邊爐？」
另一邊亦有人揵：「其實好有創意，永遠都可以喺你想像唔到嘅地方開飯」「長知識，原來旅行篋都有呢個用途，佩服」。
圖片：Hokachung／CC BY 4.0／Wikimedia Commons
有網民覺得應該當場揾職員處理，樓主則回覆趕時間，「如果呢啲都要我哋做埋，咁啲職員返工嘅意義喺邊？」
姣姐講多句：呢單嘢最唔值得笑係遊客自己，係我哋真係冇人管。
《港鐵附例》第27(b)條規定，喺已付車費區域進食或飲用飲品，最高罰款2,000元；若造成滋擾，再觸第25條「乘客不得造成滋擾」，最高罰款5,000元。兩個都夠數。規則喺度，執行的嗰個唔喺度。
黃姣姐整合｜頂硬上
