一檔日本綜藝節目公開拆解「容易出軌男人」嘅5個特徵，由微表情、經濟狀況到手機習慣同前任關係，喺網絡一度炒得火熱。2020年一項調查指，日本已婚男性入面高達46.7%承認有過外遇經歷，女性則係15.1%。
1. 道歉時不眨眼，很可能就係喺講謊 節目指出首個特徵係道歉時不眨眼。專家解釋，正常人想講清楚會頻繁眨眼，出軌者道歉時只係重複編造好嘅謊言，內心無波瀾，眨眼次數反而減少，即很可能正在説謊。有日本網友試完男友：「他道歉時真的沒怎麼眨眼！心裏已經拉起警報了。」另一位反駁：「我丈夫高度近視，道歉時總是不自覺地瞪大眼睛，顯得很『真誠』，難道這也是問題？」
2&3. 賺得太少同太多 節目點名經濟收入：男性賺得比女方少，會透過獲得其他女性仰慕作心理補償；但賺得太多一樣係高風險。專家話「安全區」係男性承擔家庭開支嘅70%。有主婦網友：「所以我們要精確計算丈夫的工資佔比嗎？婚姻變成了一道數學題。」
4. 手機未讀訊息同突然潔癖 手機堆咗大量未讀訊息，被認為邊界感模糊、可能「亂來」。生活習慣突變更值得玩味：原本唔愛刷牙嘅已婚男性，突然鍾愛口腔清潔、噴古龍水、健身，自稱有親身經歷嘅日本妻子：「後來發現，他公司的後輩喜歡清爽的男生。」
5. 同前女友保持朋友關係 節目最後點破「只是朋友」呢個謊言，指保持聯繫往往係為「有朝一日能復合」，或者繼續獲取心理／身體上嘅好處。
日本「不倫」文化背景：「不倫」呢個詞喺日本早已失去強烈羞恥意味，甚至職場都可以拿嚟開玩笑。節目指男人出軌被發現嘅概率高達95%，破綻藏在領口陌生香水味、可疑消費記錄同突然改變嘅作息時間。
姣姐講多句：呢啲「偵測」唔係科學，但點樣睇穿渣男呢門學問，每個拍緊拍嘅人最好自己研究研究。
黃姣姐整合｜頂硬上
