紐約一對姊妹檔最近開咗一個專為年輕女性度身訂造嘅 AI 情感諮詢 App，名喚「Hot Girl Hotline」，專門幫年輕女性處理約會同感情上面嘅私密困擾。創辦人係 Baila Mudgil 同 Sumrin "Sumi" Mudgil 姊妹二人，主打一個點好似同「知心姐姐」或者閨蜜傾嚇嘢，幫你温和咁理清頭緒。
最特別嘅地方係，呢個 App 唔急住俾標準答案。佢哋採用「蘇格拉底式」嘅對話設計，唔停咁提問，引導你用家自己諗。創辦人話呢個產品背後有行為科學做基礎，目標係幫你理解自己點解會咁揀，唔係單純用 AI 取代真人傾嚇或者專業醫療諮詢。
呢度就係最關鍵嘅嘢：佢哋好明確講，呢個唔係「AI 伴侶」，都唔希望你產生情感依賴。AI 被設定做「知幾時該適可而止」，唔會不斷追問令你陷入反覆鑽牛角尖嘅情緒漩渦，反而會推你去現實做實際行動。更緊要係，如果系統偵測到危險警訊，會即刻將你導向求助資源，例如美國 988 危機諮詢專線。
私隱方面，公司承諾所有資料傳輸同儲存全面加密，絕不出售用户數據，唔會將私密對話拿來訓練模型；就算接第三方 AI 模型，都嚴格遵守「零資料留存」政策。呢個 App 現時喺 iOS 同網頁版上線，採月費 9.99 美元訂閲制，已吸引數百名高活躍用户付費。
呢間紐約新創公司完全靠自籌資金營運，將來會將服務拓展到美容同生活風格領域，並會參加 TechCrunch Disrupt 嘅 Startup Battlefield 200 競賽。
姣姐講多句：用 AI 傾心事呢件事，好多人會諗到邊個 AI 伴侶 App，但呢度嘅差異就係——佢哋唔想扮男/女友，唔想令你依賴。呢個係罕有嘅「知道收住手」嘅設計，對女讀者嚟講，私密、唔怕被發出去、仲有安全網嘅傾訴空間，確實比喺 IG 發帖問「點樣」安全好多。
黃姣姐整合｜頂硬上
