去日本自由行，最忌「照住習慣」。呢份禮儀規矩清一色係旅日老手都容易踩嘅雷，由旅館到温泉再到新幹線，逐個幫你拆解。
行李箱唔好推上榻榻米
第一次住日式温泉旅館，把大行李箱直接拖上榻榻米攤開收拾，結果被員工上前攔住提醒，場面尷尬。榻榻米用天然草編織，極易損；車輪夾帶泥沙、重壓同滾動都會傷到草絲。正確做法：行李放喺板間玄關，或用手提入房，要攤開就墊層布。穿室內拖鞋踩榻榻米、戳破障子拉門，都係大 NG。
浴衣領口穿反＝着壽衣
泡完温泉着旅館送嘅浴衣（Yukata）去老街行，被路人熱心提醒領口穿反，本人「滿頭問號」。和服／浴衣正確穿法係「左上右下」（左襟蓋喺右襟上面），記住：「右手可以順手伸進胸前領口」就係啱。若右襟蓋左襟，喺日本傳統就係「壽衣」穿法，穿去温泉街會被人覺得不吉利，故路人會趕上提醒你。
新幹線特大行李要預約
JR 東海道、山陽、九州新幹線設「特大行李預約制」。三邊總和 161–250 公分（約 28 吋以上）嘅大箱，須事前勾選「帶特大行李」嘅專用座位。最後一排後方空間已劃歸該排乘客專用，亂放俾列車長查到，會被強收 1,000 日圓手續費，行李被移去指定放置區。
資料圖片：Pixabay
温泉：長髮要綁、手機收走
長髮入池前務必包好或綁高，避免髮絲落池；毛巾唔好帶落湯；入池前要在淋浴區洗乾淨。最嚴：手機、相機等任何有攝影功能嘅設備，一律禁止喺脱衣場同浴池使用——連拿出去滑手機都易引發偷拍疑慮，請放落置物櫃。
餐廳 No-show／大遲到，預約秒冇
日本名店按預約精準備料，遲到 10–15 分鐘以上視作放棄，No-show 會令店家備料虧損。近年部分名店因深受外客 No-show 同遲到所苦，開始謝絕外國觀光客預約。真係趕唔切，第一時間致電或喺平台申請延後／取消。
姣姐講多句
以上五個雷，最易踩同最尷尬都係第 2 個：以為着錯領口不過係唔整齊，點知喺人哋眼中着住壽衣行街。旅行最忌「覺得冇問題」，入境隨俗先至唔會花錢又掃興。
黃姣姐整合｜頂硬上
