近日一段日本料理影片喺網上走紅，主角係一種好特別嘅「翻轉壽司」。
翻轉壽司（返し壽司）係日本岡山縣倉敷地區的傳統美食。影片入面，有人將一個好似木盒便當嘅容器倒轉，底部突然「啵」一聲翻出成堆豐盛配菜，見到嘅日本網友都睇懵，連聲問「到底係咩回事」。
呢道菜就係當地一間叫「四季彩料理 成一」嘅餐廳提供，一份要價2,400日圓。你睇上面成個木盒，配菜淨係得啲雞蛋絲，好似一碟最尋常嘅樸素便當——就係佢要收2,400日圓。
不過一將木盒倒轉，開底蓋，就會見到成25種以上嘅配菜鋪晒喺度。原本樸素得可憐嘅木盒，瞬間變一碟大雜燴。
資料圖片：Pixabay
呢種「上面樸素、下面料」嘅設計，據講起源可以追溯到將近400年前。當地備前岡山藩嘅藩主池田光政當年推行「一汁一菜」禁奢令，規定每餐只得一菜一湯，彰顯儉約。百姓想喺特別日子吃飽啲、慶祝下，於是想出把豐盛配料塞喺木盒底部，上頭鋪一層厚厚嘅醋飯同朴實配菜，偽裝成粗茶淡飯；食到時候先將盒翻轉倒出嚟，就變回豐盛大餐。
呢就係「上有政策、下有對策」嘅活生生例子——禁令壓唔住人想食好嘅心。
現在既然冇藩主喺度盯，呢種傳統照舊保留，仲推出「翻轉壽司套餐」繼續供應。
姣姐講多句：2,400日圓買一份「上面扮樸素、下面爆25種」嘅壽司，講真幾有創意。最搞笑係呢個「藏私菜」概念，竟然可以追溯到將近400年前嘅「上有政策、下有對策」。
黃姣姐整合｜頂硬上
