最近日本有位喺Ｘ（舊 Twitter）上嘅網友「あお」，分享咗佢為愛貓精心設計嘅房屋細節：喺新家大門上方開咗條細細嘅採光窗，讓室內嘅貓咪可以直接睇住外面出入。
佢話：「我為新家裝了讓貓可以看到外面的採光窗，每次出門的時候都會來送行，真的超棒的😃」
最得意嘅位係呢個窗唔係純裝飾——窗後面竟然連住條貓跳台，等于係為貓咪特設嘅「觀景台」。每次佢出閩入閩，喵主子都會自動上落「巡場」，觀察主人動靜。
呢個貼文一出，即時喺貓奴圈洗版。唔少網友表示「超羨慕」，話將來買新屋一定要跟裝；更有人晒出自己屋企嘅同款設計：
「我也在新家（的２樓）加裝採光窗了！雖然只有隱約看得到，不過我家貓咪也會為我送行喔（笑）」
「我家也不會輸喔！」
可見呢種「人寵共居」嘅房屋設計，喺日本貓奴之間已經小小流行開。
姣姐講多句： 呢個設計真係幾貼心，貓咪由「看門動物」升級到「持牌監視員」，地位提升咗幾個layer。諗嚇香港人住喺細單位、連自己個窗都冇人幫開，貓仲要同主人搶嘅那一方天地，真係笑到唔係。人寵共居，起碼要畀人（同貓）先有得共住先。
