韓國女星黃正音近日喺自己嘅YouTube頻道同訂閲者對答，罕見把婚姻、育兒同荷包擺上台面，幾乎有問必答，連經濟壓力都直接攤開，冇半點女神包袱。
佢被問到收入，直言「26歲之後第一次冇賺錢，好慌張都好驚」，透露「能賣嘅嘢都賣咗，連王植、江山周歲宴收到嘅金都賣咗」，仲鬆口保險都解約，「拿返唔少錢，靠呢個勉強撐住」。
被問「若能穿回去想返幾時」，佢答2015年結婚前，「嗰時係做演員最閃耀嘅時期，找我嘅人多」；但話鋒一轉又話：「如果穿返去就見唔到王植同江山，我仲係揀王植同江山，佢哋太可愛。」母愛瞬間壓過事業心。
對苦惱要不要拍拖結婚嘅粉絲，佢語氣超硬：「唔好結婚，呢輩子到死都唔想再結婚」，「同居OK，但唔想俾法律綁住，離個婚花咗9年」，自稱而家係「完全嘅不婚主義者」。
佢仲細數生產王植陣痛24個鐘嘅驚險，醫生以為3.8公斤先俾佢自然產，「結果生出來係4.18公斤」，事後仲要畀醫生向佢道歉。帶兩個仔嘅獨門妙招就係「扮下瘋子」，眼神失焦裝傻「大概能安靜5分鐘」，仔唔聽話就開腔唱約德爾歌，「佢哋會笑出來，氣氛就緩和」。
黃正音2016年同高爾夫球員出身嘅企業家李英敦結婚，2020年申請離婚調解、翌年復合，2024年2月再爆離婚訴訟，2025年5月離婚正式生效。
姣姐講多句：「女神」兩個字背後，原來有一本好寫實嘅帳——九年官司、一年零收入、賣金維生。佢冇賣慘，就係實事求是同自己人同粉絲講數。最啷意嘅係佢最後一句「沒有比經驗更珍貴嘅嘢」：帶仔走過嚟嘅人，眼光同耐性真係同常人唔同。
黃姣姐整合｜頂硬上
