劉嘉玲自爆瞞梁朝偉跳傘遭狂罵 40年婚姻點樣進化到各過各

影后劉嘉玲近日接受內地主持人李靜訪問，大方拆解同梁朝偉四十年愛情長跑嘅相處進化史，由「膩在一起」到「各過各」，仲自爆瞞老公做瘋狂事遭狂罵，梗梗係笑位。

由「千萬不要過來」到「自己一個好舒服」

劉嘉玲同梁朝偉1988年因合作舞台劇《花心大丈夫》擦出愛火，經過二十年長跑，2008年喺不丹註冊結婚。佢話年輕時好鍾意跟老公開開心心膩埋一齊，甚至會強逼性格內向嘅梁朝偉出席應酬飯局。然而梁朝偉喺現場「每個人過來跟他打招呼，他都是好像，嘩，千萬不要過來」，坐立難安嘅神情令劉嘉玲好心疼，最後就唔再勉強。

隨着歲月流逝，兩人的相處模式竟然出現奇妙轉變。劉嘉玲笑指，而家聽到梁朝偉要出差或者獨自旅行，佢反而「心態很舒服」，真的可以自己一個人喺屋企：「那個狀態呢，可能就是我們這個年齡，會感覺到的一種自我的狀態。」佢形容呢段長跑感情冇變淡，「既親密，又有邊界感，但那種愛是來得更加濃烈，然後更加像家人，堅固的那種愛」。

瞞老公跳降落傘，返嚟狂挨罵

最爆笑嘅梗，係劉嘉玲早前喺新西蘭旅行挑戰高空跳降落傘，而且係瞞住老公。佢笑説：「一分鐘自由降落，太過癮了！回去就被我老公狂罵一頓。他説：『你是不是瘋了？』」

劉嘉玲繼續還原對話：「我説：『很安全啊，有人陪我跳！』他説他不想把自己的生命控制在別人手上。」佢話跳之前「一個晚上都沒睡著」，一直盼望同行的人有人講「我不玩了」，但冇人講，「所以我硬著頭皮還是要上」。飛機門打開，「感覺好像判死刑一樣」，出咗去之後「像一隻小鳥一樣俯瞰整個海、山，那個風，啊，好美啊」。

劉嘉玲笑言梁朝偉「什麼都害怕」，如果佢喺場一定製止，「所以有時候有些旅行，我不跟他一起玩的」。