美國名模克魯姆（Heidi Klum）10月31日喺紐約Cathédrale 舉辦第25屆年度萬聖節派對，今個年頭主角造型就係一隻巨型斷手。

呢隻「手」有紅色指甲、戴住金戒指，手腕位置有血淋淋傷口，而克魯姆自己嘅整張面就喺傷口位置露出。佢嘅雙腿成為斷手上嘅兩根手指，再加以義肢效果，恐怖感即刻拉滿。佢之前已經預告過今年造型會「非常非常血腥」，都話自己更享受讓人猜唔到嘅樂趣。

佢自己話：「我今天感覺很好，大約有10至15人幫我穿上這套服裝，但其實更多人已經為此工作數月。我去年已有這個想法，他們一直研究如何把我放進這隻手裏，建造、上色，還有所有細節、血管等等。」

有乜特別細節？佢22歲嘅女兒萊尼（Leni Klum）話，呢隻手嘅珠寶入面，其實將母親嘅婚戒融入咗落去。

今個年最大笑位，就係佢丈夫考利茨（Tom Kaulitz）因巡演缺席。克魯姆接受訪問時話：「我認為這本來會是很棒的夫婦造型，如果他在這里，他可以是另一隻手。左右手，他可以是我的右手！」

硬蕉抽兩句：扮斷掌扮到連手指都冇，仲要叫老公來補「右手」，呢個夫婦檔如果真係一齊落場，左右手齊備，大概會係全場最恐怖同最尷尬嘅 combo。

硬蕉哥整合｜頂硬上