（墨西哥市）墨西哥首都10月31日舉行年度亡靈節遊行，預估吸引50萬多名國內外遊客。主廣場Zócalo豎起1座高11層樓嘅卡翠娜（Catrina，墨西哥雍容華貴女性骷髏形象）雕像，街頭湧入巨型骷髏偶、花車，以及頭戴羽飾、臉戴面具嘅表演者，仲有樂手同特技表演者，整個市區洋溢嘉年華氣氛。
最荒謬嘅係，呢個已有數百年歷史嘅節日——融合前哥倫布時期傳統同基督教諸聖節習俗——竟然靠一部英式間諜電影先至有咗大規模街頭遊行。2015年《007：惡魔四伏》（Spectre）開場，詹姆士·龐德喺墨西哥市中心穿梭喺巨型人偶同扮亡者嘅遊行隊伍入面。電影全球賣座後，時任市長曼瑟拉決定將呢場虛構嘅亡靈節遊行化為現實。
2016年首屆遊行，電影入面嗰幾個巨型人偶，部分「原班」喺街上行。2012至2018年任市長嘅曼瑟拉回憶，呢場活動好快就大受歡迎：「大家開始問我：『遊行呢？什麼時候辦？』」佢話：「如今這已是一場非常、非常盛大的活動，令我深感驕傲。」
圖片：Tomascastelazo／CC BY-SA 4.0／Wikimedia Commons
今年適逢10週年，32歲葡萄牙遊客Ana Suares受訪話，「人們開開心心，有裝扮、有花朵，好不熱鬧！人們如此齊聚來緬懷那些已離世卻仍活在我們心中的人。」
硬蕉抽兩句：數百年民間傳統，由一個英國間諜喺虛構城市嘅「開場秀」先至擁有現代化街頭版——呢個反差本身就係最好嘅笑話。曼瑟拉將片頭變現實，007劇組成也007，而家已變墨西哥市嘅「開城儀式」。
硬蕉哥整合｜頂硬上
