美國晚間節目主持人 Jesse Watters 嘅節目《Jesse Watters Prime Time》上，前NASA宇航員 Winston Scott 認真講咗一件嘢：宇宙一定有其他智慧生命，地球甚至可能要面對「銀河戰爭」。
Scott 係1990年代曾參與兩次太空任務嘅宇航員。佢嘅推理好「硬蕉」：「我係一個講數字嘅人，宇宙有十億、十億、十億嘅行星，我哋唔可以係唯一有智慧生命嘅。」
佢仲直接提咗電影《E.T.》入面個外星仔：「我估佢喺某個地方……」
太空安全方面，Scott 指美國同俄羅斯喺國際太空站係夥伴，「但喺其他地緣政治議題上並盟友」。針對同中國嘅太空競爭，佢話：「我哋生活喺一個要為軍事自衞做準備嘅世界」「我哋希望唔會喺太空見到 combat，但我唔會排除」，最後用咗句英文成語收斂：「the proof is in the pudding」。
節目亦提及 SpaceX 嘅 Elon Musk 同 Amazon 嘅 Jeff Bezos 各自投入十億美金級數喺私人太空計劃，NASA 當年嘅壟斷格局已唔再。
硬蕉抽兩句
有權有勢嘅人喺電視上可以一本正經講任何嘢，觀眾自行判斷。某啲「官員」講嘅「事實」有時真係比呢位前宇航員嘅「外星人警告」更外星。
