11月4日重慶一間小餐廳入面，一對神色疲憊嘅母女落單，只點咗一盤6人民幣（約7港元）嘅炒豆芽。電視機都見到佢哋一食食到電飯煲見底，前後添咗7碗白飯，母親夾幾箸菜畀女兒，自己就靠白飯頂住。
呢單單，最動人唔係老闆俾咗幾多錢，而係佢做到「冇開口」。
老闆娘英姐喺後面成個程睇住，既冇上前問「你哋出咗乜事」，亦冇當眾表示同情，更冇讓佢哋覺得被睇低。只係當母親出聲問可唔可以打包剩菜，佢就吩咐廚房重新炒啲熱嘅，將剩菜同熱菜一齊放黑膠袋入面，再悄悄塞入300人民幣（約352港元）。店員還特意將透明外賣袋換咗黑袋，唔畀人睇到入面有現金。
送客時，佢只講咗句「呢啲係廚房多做的」，冇講「接濟」、冇講「送你」，事後仲抱咗佢一抱，讓佢拎住袋，唔使道謝、唔使解釋，照樣離開。
閉路電視錄低成個過程，喺微博流傳後上咗熱搜。網民反應唔係「好慘」，而係「最頂級嘅善良，係顧及受助者嘅尊嚴」。有人指黑膠袋加「多做的」呢句台詞，比直接當面俾錢更暖。亦有聲音指，呢單單係突發人情，但底層弱勢真正需要的，係一個讓佢哋「有尊嚴」求助嘅制度。
姣姐講多句：做善事最難嘅唔係掏錢，係「唔點破」嘅分寸——黑膠袋換唔黑膠袋、一句「廚房多做的」講唔講，係兩回事。做茶記見客人悶悶坐住攞唔攞單，你會唔會主動出聲？
黃姣姐整合｜頂硬上
