1956 年 1 月 27 日，15 歲嘅 Shirley Hitchings 喺枕頭上揾到一把華麗嘅銀匙，冇人認得，都開唔到屋企任何鎖。呢個據報係 London 南岸 Battersea 63 Wycliffe Road 一户工人階層家庭 12 年騷擾嘅起點。
由 1956 至 1968，呢個被稱為「Battersea Poltergeist」嘅事件持續咗整整 12 年。屋企傳出金屬敲擊同刮擦聲，響到鄰居報警；之後據報有物件「似被一雙唔見嘅手投擲」——鐘浮起、椅橫飛、廚房物件在空中飛。最出名嘅傳説是：一隻皮手套由地台升起，橫掠客廳，扇咗 Shirley 嘅老豆 Wally Hitchings 一記耳光，再跌返地台。
呢個 case 還據報「帶來火」：床鋪、衣物、家俬無預警起火；Wally 據報因此手臂嚴重灼傷而入院。
最癲嘅係，Hitchings 一家之後開始同個「嘢」對話。用敲擊聲同字母卡，佢哋稱自己可以「同佢傾」，並起咗個暱稱：Donald。1956 年 5 月，一頁手寫信出現，入面用華麗法文，自稱係瑪麗·安妮托瓦娜嘅仔 Louis-Charles（Louis XVII），話自己由法國大革命逃出、後於流亡中死去。之後嘅訊息越嚟越日常：打字備忘、聖誕卡，落款「Donald」，有時叫「Spooky Willie」。
呢個 case 據報曾喺英國國會下院被辯論，BBC 亦曾喺黃金時段電視節目跟拍調查。但近 70 年過咗，「假裝、癲狂、定真係未解」呢三個選項，至今冇共識。
硬蕉抽兩句：12 年、一個家庭、一個「Donald」、幾把飛起嘅椅、一隻拍耳光嘅手套、一疊自稱法國國王嘅法文手書。呢個大概係全英唯一一個「政府承認自己唔知」嘅長期公共議題。相比之下，我哋呢邊某些「官方解釋」連 BBC 都唔使拍。
— 硬蕉哥整合｜頂硬上
