一艘 Nazi 潛艇喺英吉利海峽海底「退休」咗82年，先至喺2026年被人揾到。
1944年7月，德國 U-boat U-672 喺海峽被英國皇家海軍 HMS Balfour 擊傷，全艇52名船員及時棄艇，被收為戰俘，戰後全部安全返德。艇卻沉咗，再無下落。
呢次係 Plymouth 嘅水手隊 Gasperados 喺 Devon Salcombe 以西約20海哩（32公里）、約230呎（70米）深嘅海底揾到佢。發現過程有得睇：水手 Dominic Robinson 落潛時先睇到一隻 angler fish（鮟鱇魚），跟住條繩上仲有一隻章魚，「就係嗰一刻我哋知道揾到沉船」。
點解82年都無人揾到？答案好尷尬：英國海軍當日嘅航海日誌記錯座標，差咗約46海哩（74公里）。德國二戰史學家 Dr Axel Niestle 指「文件出現行政錯誤」（clerical error），先致位置有誤。
艇最終靠艇身獨特嘅 Schnorkel 通氣管系統，同其他特徵對上，先確認係 U-672。
最暖嘅係 Robinson 之後聯絡到當年艇長嘅家人，佢哋話艇長過咗「長壽而幸福嘅一生」，聽到艇終日有下落「佢會非常驕傲同高興」。
硬蕉抽兩句：呢隻潛艇嘅「退休生活」比任何英國公務員都長。行政錯誤一個 typo，錯74公里，82年無人知。下次填報税表之前，記住核對座標。艇長一家等到82年後先收到「佢哋屋企人返嚟」嘅消息，呢句寫得比好多新聞都有味。
硬蕉哥整合｜頂硬上
