上週六，倫敦 Hackney 嘅 London Fields 公園，兩個人着住全套中世紀甲冑、揹住長矛，換走馬匹改騎 Lime 共享 e-bike，朝住對方就咁衝過去，企圖將對方撞落車。
呢場「中世紀長矛對決」（jousting）免費公開演出，吸引咗幾百好奇路人圍住睇，影片喺網上廣泛傳播。發起人 Jack Carden 係本地藝術家兼網紅，佢將事件稱為「行為藝術」；佢同搭檔 Cam Tholomew 就係喺鏡頭前完成呢場「騎士對決」。
Lime 就事件發聲明，語氣一本正經：「雖然我哋欣賞呢份中世紀精神，但安全永遠擺第一位。」
「我哋一直喜歡睇住 Londoner 以出人意料嘅方式凝聚社區精神。Lime 嘅車係設計俾人喺城中代步用，唔係俾人『打仗』用。」發言人補充：「我哋不鼓勵任何人模仿類似活動，以保障騎士及四周人士安全。」
硬蕉抽兩句：共享單車喺呢座城死法幾多 —— 被鎖喺欄上、被棄喺行人路、被警察拖走，而家仲多咗一種：被兩個穿盔甲嘅行為藝術家當做戰馬。最啷係公關最後出嚟，唔係講規則，而係一本正經講句「我哋呢啲車唔係俴人打仗」—— 呢種冷幽默公關，真係好難學。
