英國40歲馬拉松跑手 Chris Poole 原本打算照例出街跑步，但因疲倦幾乎要取消，最後喺太太不斷説服下才出門。未計到就係呢個決定，令佢喺鬼門關前撿回一命。
Poole 完成過多場半馬同全馬，平時每星期跑步三至四次，自認身體冇問題。事發當日，佢正隨固定參加嘅跑步團體 Redway Runners 做例行訓練，剛準備開始，突然倒地失去知覺。
現場跑友即時施心肺復甦術（CPR），並迅速取得自動體外心臟電擊去顫器（AED）對佢施救。Poole 其後恢復生命跡象，送院治療，住院接近50日，期間有一段時間處於昏迷。
Poole 事後表示，心跳停止前完全冇任何警訊，冇疼痛、冇異常，對事發過程亦冇記憶，只能夠從旁人處拼湊當日情況。醫生指，佢嘅心跳驟停由急性心肌炎引起，進一步引發心臟衰竭。
最離譜嘅，係 Poole 憶述當日因為疲倦，原本幾乎決定取消訓練留喺屋企，最後聽了太太不斷講先決定出門。佢坦言，若非跑友及時救援，自己可能錯過黃金時間。
Poole 最近先獲醫生許可開始輕度步行，較之前每星期跑步數次嘅生活，復健進度緩慢。佢話想繼續朝恢復跑步嘅目標努力，有朝一日再站上馬拉鬆起跑線。
英國心臟基金會 The Circuit 營運主管 Simon Dunn 指出，心跳驟停可喺無任何預警下發生，包括喺年輕、健康、體能良好嘅人士身上。患者能否倖存，倚賴現場人即時辨別、施 CPR，以及在救護抵達前使用 AED；每多等一分鐘，倖存機會便可能下降。
硬蕉抽兩句：呢個故事最令人莞爾，係「出唔出門」呢個好平凡嘅決定，竟然成為生死關鍵。Poole 當日聽了老婆講嘅話，而呢次，成件事竟然冇乜問題。真正由鬼門關拉回人嘅，係場邊有冇人識急救、附近有冇 AED——呢啉先係關鍵。
硬蕉哥整合｜頂硬上
