深夜，美國南卡羅萊納州，地產經紀 Nancy Walsh 一個人行車，頭前漆黑一片。
突然佢見到路邊草叢放住一台嬰兒車，旁邊就係茂密樹叢。換任何人，第一反應都係停低、落車、望一望車入面有冇BB。
Walsh 冇落車。
佢只係打電話報警。事後佢喺 Facebook 放咗三張照片，喺貼文入面寫出嗰句警告：「在荒郊野外駕駛時，就算看到有嬰兒車或兒童汽車座椅棄置在路邊，也千萬不要下車。」貼文被轉發 12 萬次，4 萬人點讚。
然後網民分裂了。
一派講：「為什麼？我絕對會立刻下車察看」「我自己也是媽媽，沒辦法坐視不管」。
另一派講：「這是犯罪者設下的陷阱」，住尼日利亞嘅網民補充：「這是很常見的手法」。有人喺照片右側指住樹叢講：「好像有人影」。又有人補充：「有人會用這種方式搶奪財物，搞不好還會被打一頓」。
最後仲有最殺嗰啲：「現代人真膽小」「不論如何我還是會下車」。
講真，呢個事件最荒誕嘅位，唔係「有人擺BB車喺路邊」呢個概念本身，而係有幾多人真係覺得呢個係好嘅「考驗人性」橋段。
犯罪者利用人嘅同情心，喺樹叢後埋伏，等受害者落車查看再行劫——呢個唔係電影橋段，係實實在在嘅手法。Walsh 做嘅嘢，就係唔做最直覺嗰一步。
姣姐講多句： 美國兒童拋棄事件唔少，嗰啲真係被棄喺路邊嘅BB，警察嘅工作就係揾佢哋。但「你落車就俾人伏」同「BB真係被棄」同時存在，才係真正嘅現實。唔落車唔代表你唔關心，只係你識分辨邊種「心腸好」會畀人利用。下次深夜行車，見到路邊有乜嘢都唔好停，報警就夠。
黃姣姐整合｜頂硬上
