日本人氣手遊《賽馬娘 Pretty Derby》嘅世界巡迴演唱會「7th EVENT WORLD TOUR: THE STAGE in LOS ANGELES」原訂美國時間10月22日至23日喺洛杉磯登場，由十多位主要聲優參與演出。官方早喺數個月前已公佈物販資訊及特典，仲加開過座位，吸引大批美國本地粉絲，更有唔少日本粉絲規劃飛去美國睇表演。
然而距開台不足幾日，官方今（10月19日）中午突然發出公告，承認自半年前已透過當地律師同主辦單位協助，為所有演出人員申辦美國簽證，但至今仍未批下來。官方表示正透過各種管道向相關單位爭取，並將於日本時間10月20日下午2時前公告事件最終去留。
公告一出，大批買完門票、安排好行程嘅粉絲瞬間傻眼，特別係早已飛到美國嘅日本粉絲。有粉絲自嘲：「那個，不好意思，我已經在美國了耶。」另一位分享同事今日將飛洛杉磯，含門票一星期旅費約30萬日圓，問「真的沒問題嗎」。更有一位自己安排行程嘅粉絲泣訴已投入門票、機票、飯店等超過50萬日圓，自嘲「誰來救救我」。有粉絲則指自己「今天才到美國」，「別開玩笑了」；又有人話「已經搭了15小時的飛機過來」。
有粉絲推測簽證遲遲未下，或與當地政府對外國藝人之限制有關，亦有網民懷疑係申請流程或文件未備妥。
姣姐講多句，港人飛洛杉磯睇演唱會攞 visa 排隊都要排，排到飛，結果歌手個 visa 卡住先，呢啲日本同美國粉絲真係花錢飛咗過去、買咗飛、仲加開過座位，結果開唔到，跨國追星嘅辛酸真係排排有。
黃姣姐整合｜頂硬上
