一個戴住乳膠人形面具嘅男人，喺 YouTube 一個訂閲量唔少嘅陰謀論頻道出鏡，自稱叫 Alexander Smith，話自己 1981 年幫 CIA 做過一次「機密實驗」，結果被送咗去 2118 年。佢話自己而家決定「交代每一項細節」，包括佢聲稱有張喺 2118 年拍嘅相片。
佢話未來一百年內地球會打第三次世界大戰。起因係美國同北韓之間嘅「利益衝突」，開始好細，但「很快擴散」，俄羅斯站咗北韓嗰邊，「最終有導彈發射」——佢唔肯講打去邊，但話「效果唔係人可以接受嘅」。衝突升級後，「邊界開始失去意義」，全世界反而團結咗，「世界變成更好嘅地方」。最後美國政府會公開確認外星智慧生命存在。
問題係，成個故事冇任何可查證證據。
一個戴面具嘅人講自己來自 2118 年，冇證據，然後有個大學教授話「科學上唔排除」呢個。加州大學聖巴巴拉分校物理學家 Gary Horowitz 就係咁講嘅——佢話時間旅行呢個概念「並非完全不可能」，亦「沒有違反既定科學原理」。
硬蕉抽兩句：呢個故事最有新聞價值嘅唔係「未來會有三戰」呢種泛泛之談，而係一個戴住面具、冇提供身份、冇可查證證據嘅人，點解會出現喺一個「大受歡迎嘅陰謀論頻道」，仲有大學教授喺旁側。重點唔係 2118 年有乜，重點係點解呢個故事會俾到被當做「信息」嚟傳播。茶餐廳老鬼話自己上世係條龍，你頂多唔好信；但如果有個大學教授喺旁邊話「科學上唔排除老鬼上世係條龍」，嗰就係另一回事。
硬蕉哥整合｜頂硬上
