美國聯邦國安調查局（HSI）一名特工喺2025年萬聖節嗰日，向法官提交咗一份超過60頁嘅申請書，要求喺密爾瓦基一宗懷疑販毒案嘅涉案人士 Sam Stair 嘅白色 Tesla 貼追蹤裝置。
文件寫住特工監察咗 Stair 幾個月，佢哋相信呢位本地業主將出租物業當做販毒網絡嘅幌子，想藉追蹤器掌握佢去邊度。法官同日簽發咗搜查令，但最後追蹤器根本貼唔到。
法院文件入面，特工只寫咗一句冷冰冰嘅：「因 Tesla 車上嘅安全協議生效，搜查令未能執行。」冇講明係咩安全協議，但外界猜測可能係 Tesla 嘅「Sentry Mode」。
原來 Tesla 配咗八個外部相機，提供360度環境監控，呢個功能令自動駕駛成為可能，同時亦係車主嘅「電子管家」。當有人在 Sentry Mode 模式下接近車輛，車會閃燈、發響警號、即時錄影，儀錶板同時亮起提醒「你哋喺度被錄入」。車主會即時收到手機推送，可以用手機實時睇住車周圍嘅畫面，甚至將錄像存喺車入面嘅 USB 碟。
簡單講，特工就算合法攞到准據，但佢一近車，車已經喺度錄影、發聲、通知車主——跟住佢哋點做？
呢個「小意外」冇影響長遠調查。5月，特遣隊落單拘捕咗 Stair 同另外17人，Stair 認咗冇罪，現已交保候審。
姣姐講多句：呢單事最嘅地方，唔係 Tesla 阻住咗政府，而係連法院都冇辦法——准據喺手，執行卻要服從車輛嘅電子程序。當私人大量私人數據儲於車輛、雲端，「安全協議」同「執法權」之間嘅邊界，真係值得所有人睇清楚。
