Dcard 上一個19歲大學生原PO，以一個「（嘆氣表情符號）」為標題發文，自述自己正讀大學二年級，每日早上返學、晚上返工，一星期六日無假。帖文一出即引起眾多網友共鳴。
原PO交代家中五人——爸爸、媽媽、哥哥、妹妹、佢。爸爸因身體狀況無法工作，媽媽係家庭主婦，妹妹仲讀緊高中，所以真正要出錢嘅只有佢同哥哥兩個。而家中目前欠下超過300萬台幣（下同）嘅負債，甚至可能仲多。原PO同哥哥每月合共賺約7至8萬，大部分都拿去還債，「根本存不了什麼錢」。
最扎心嘅係原PO自己嘅一句話：「我每天睡大概六小時，打工的時數越來越多，薪水也跟著上來，可是我期待中的『生活會變好』一直沒有發生。」原來「加薪」從來唔等于「生活變好」——呢句喺呢個樓層先至變得咁殘忍。
原PO嘅月生活費只得約5千台幣，包油錢、食飯同生活必需品，「有時甚至連吃飯的錢都要跟別人借，撐到下一份薪水下來」。佢仲話同家人有啲生疏，唔太識點樣講自己嘅壓力，因為「覺得講了好像也不會有改變」；家人唯一對佢講嘅大概係「要努力工作，要養活自己跟家裡」。
最難頂嘅係哥哥即將去當4個月嘅兵，呢4個月家中收入會少去一大半，而佢就得好似一個人撐住成個家。原PO話：「這4個月家裡會少了一大半的收入……想到之後又要扛更多家中的生計，感到無力。」
樓下網友各抒己見。有人分享19歲朋友同樣「月賺3、4萬但生活費只准5千」嘅相似遭遇；有人建議「可試試先休學一陣子去工作賺錢」；有人則提醒「辛苦跟痛苦不該只有一個人承擔，可以跟家人談談」。
原PO最後再發文回應：「謝謝大家願意花時間打字給我……你們看得出來我在努力，這對我來説比什麼都重要。」
姣姐講多句：呢個帖文最令人心痛嘅，唔係3百萬嘅負債，而係一個19歲嘅細路嘢，已經習慣咗唔開口、唔開口、再唔開口。所謂「生活會變好」，如果冇人聽你開口講壓力，果句就永遠只係句口號。
黃姣姐整合｜頂硬上
