10月5日，山東泰山景區嘅許願池，竟然出現一幕好癲嘅場面：多名年約13至14歲嘅少年，將智能手錶嘅磁吸充電線伸入池內，利用磁鐵嘅吸附功能，不斷把其他遊客投下嘅硬幣「釣」上岸。目擊者話，一個少年大約可以撈到10至20元人民幣（約12至23港元）。
事件被遊客撞正，並喺網上流出。10月6日，「小孩在景區用磁吸充電線釣許願池硬幣」成為社交平台熱搜話題。景區工作人員第一時間上前制止，收走涉事充電線，並對佢哋進行勸阻教育。最搞笑（亦最「講道義」）嘅一擊係：少年其後將撈上嘅硬幣全部重新投返入許願池，事件告一段落。
10月7日，有報章記者致電泰山景區，工作人員表示已關注到有關事件，後續會加強現場巡查力度，並持續做好文明遊覽嘅引導教育。
硬蕉抽兩句：
許願池嘅設計原理，就係「投得進、撈唔起」，而家硬係有人將呢個物理法則同人性貪念搞到互相矛盾。磁鐵嘅吸力，從來唔會因為目標係「願望」而自動放過。
另外，事件反映科技普及化之下一個荒誕現實：充電線由「充電」變成「吸金」，只係少咗一層絕緣。科技越先進，「摸魚」嘅方式就越精準。
