浙江寧波夜市有一個00後帥哥攤主王治，原本擺檔賣雞飯一日只能賣3、4份，想不到因為外型亮眼、影片曝光，意外爆紅，而家一日能賣出約130份。佢所喺區域單日營業額增加3萬至4萬元人民幣，連帶周邊攤商都受惠。
王治話自己以前經營餐廳，因為收益不佳，連員工薪水都發唔到，後來先轉擺攤。佢嘅雞飯手藝係向一名馬來西亞華人師傅學嘅。冇諗到原本只係為了生計嘅生意，竟因為幾段影片曝光，令佢由默默無聞嘅攤主變成夜市熱門人物。
對住網友讚佢係「建模臉」「夜市版于適」，王治低調回應：「不敢抬頭看，如果很多人圍著我，我會不好意思。」佢強調擺攤本意係做好料理、認真做生意，冇刻意追名氣：「我只是一個認認真真賣雞飯的人。」
資料圖片：Pixabay
笑嘅位，係王治走紅背後有一名重要幕後推手，就係佢女友。每日出攤前，女友都會親自幫佢打理造型、化上淡妝，令佢以最佳狀態亮相。女友笑言王治係典型「I人」，同人講話會害羞到面紅，所以佢總把男友當「芭比娃娃」打扮。
女友又直言，擺攤本來就係為賺餸食，透過影片宣傳、經營個人特色，都係做生意嘅方法，「營銷不是貶義詞」。佢認為只要能吸引顧客、增加收入，適當嘅營銷冇乜不妥。
市場負責人稱，平時營業額係13萬至15萬元人民幣左右，王治來了之後增長大概3萬至4萬元人民幣，把呢片區域都帶動起來。隔壁賣印度飛餅嘅攤主話，自從王治來了生意就好咗，「平常賣不到100個，現在最少100個打底」。
姣姐講多句，呢個其實就係我哋身邊「檔口文化」嘅升級版——個檔賣唔賣得錢，唔單止睇料，仲睇個「檔主」有冇特色。王治呢個案例講明咗：好產品加上好包裝，真係可以令客人排隊。
