成人題材｜18+
馬來西亞吉打州居林縣巴東色海（Padang Serai），10月20日朝早約7時30分，一名24歲人夫喺酒店房間被執法人員當場「撈起」。呢次捉姦，仲系太太親自動手。
事件經過，原來系呢位人夫的太太由午夜開始尾隨丈夫，親眼目睹佢喺酒店大堂同一名陌生女子辦理登記入住，即向當局舉報。執法人員隨後到場突擊搜查，發現兩人身在酒店同一房間。
圖片：Terry Lum／Public domain／Wikimedia Commons
最勁位，係雙方年齡差18歲。男方24歲，系無業人士，已婚並育有2名子女；女方42歲，來自登嘉樓（Terengganu），單親母親，育有1名18歲兒子。男方供稱，同女方今年3月喺同一間快遞識。女方辯稱，自己來吉打州系「有銀行事務需要處理」。
除咗捉姦之外，事件事還牽涉跨宗教因素。由於男方非穆斯林、女方系穆斯林，兩人被帶往吉打州宗教局辦事處調查，涉及《2014年吉打州伊斯蘭刑法法例》第25(a)(b)條「幽會罪」。若罪名成立，最高可判罰款3,000令吉（約5,800港元）或監禁2年，或兩者兼施。
姣姐講多句
18歲年齡差加跨宗教幽會，加埋無業人士、單親媽身份，呢個組合喺任何地方都算係「高難度操作」。而女方可謂好有執行力，起咗大早尾隨、目撃、舉報一條龍，仲帶埋執法隊上門。就衝住呢份決心，都唔該畀個贊。
