前幾日有玩家上網呻，話買咗一款新遊戲返屋企，拆開盒，望入去淨係遊戲本體加一張薄紙，就係咁。佢慨嘆咗一句：「呢種少少寂寞嘅感覺，係咪只有我一個人有？」
帖一出，一黨老玩家即刻鬧返嚟。一位講：「太懂了，小時候喺車上拆封、睇説明書，呢個係一整套流程啊。」另一位話以前説明書上有角色立繪，好鍾意，「結果消失咗真令人難過」。有人就現實啲：「生產成本呢點我都明，但至少都附個説明書啦。」
圖片：DVMG／CC BY 3.0／Wikimedia Commons
記得 90 年代買遊戲嘅光景，盒入面仲有卡帶、保證書，同本厚重嘅説明書。當年任天堂、超級任天堂嘅遊戲，説明書除咗操作方式，仲會附精美插圖，解釋登場角色、職業、敵方資料，令玩家未開玩就先進入世界觀。
呢種「拆盒文化」，喺純下載年代已經慢慢消失。即係剩低任天堂仲出實體版，説明書呢種傳統卻冇保留低。
姣姐講多句：以前拆盒嗰陣，卡帶要除殼裝入，説明書要逐頁睇，世界觀同角色介紹先慢慢入腦，嗰種隆重感，同而家手機上按個「下載」按掣真係唔同。而家淨係得一張「意見表」厚薄嘅紙，想揾角色插圖、世界觀介紹，唔知道要上邊個網頁揾。呢個就係科技行太快，留唔低嘅嘢。
