68歲嘅「三哥」苗僑偉近日驚喜現身武漢車展，身穿黑色修身西裝配白波鞋，身形零走樣，網民狂讚「型過好多後生仔」。
講起苗僑偉，幾多個港人腦海中浮現嘅畫面，仲係嗰套「型佬」造型。但佢今年已經68歲。
近日有內地網民喺小紅書曬出照片，話「三哥」驚喜現身武漢車展活動。嗰張相一出，即即攞到全網熱議，點解呢？因為相片入面嗰個著黑色修身西裝、內搭白T恤、腳踩純白波鞋嘅高佬，腰板挺直、面無歲月痕跡，完全睇唔出係六十幾歲。
活動期間三哥仲手持咪高峰喺台上侃侃而談，笑意盈盈，之後更同現場一眾提車車主同嘉賓合照，態度親民，毫無巨星架子。
照片曝光後，網民留言齊聲大讚三哥保養得宜：「三哥真係由生型到老」、「完全唔似六十幾歲」、「型過好多後生仔」。
姣姐講多句：68歲仲係呢個身形呢個氣場，講真，好多二三十歲嘅仔仔仲做唔到。三哥近幾年輕產過半退休生活，閒時打打高爾夫陪家人，人老先至唔衰，型先至唔衰。呢個先至係真正嘅「不老男神」，唔係靠濾鏡，係靠幾十年自律。
黃姣姐整合｜頂硬上
