ERROR成員郭嘉駿（193）11月5日凌晨喺Threads「屎窟痕」，揾返網民點評佢，撳中一名男網民嘲諷「條友咁X都睇……」嘅留言。193冇當作冇，直接轉發，再點入對方專頁，見真人相後留言「睇完之後我突然釋懷咗好多」，順勢指兩人「差唔多有型」，反問「但佢話我X就唔公道囉」。
呢幾句一出，大批粉絲湧入該素人帳户圍攻，連「睇完要洗眼」都有。大批網民就怒斥：坐擁數十萬粉絲嘅偶像，利用影響力公審一個普通網民，呢個就係帶頭網絡欺凌。
該素人事主其後發聲反駁，稱自己留言針對嘅係193嘅行為而唔係外貌，怒轟佢轉移視線。網民同時翻出193早前倒車撞倒婆婆未即時報警、公開批評經理人花姐等爭議，痛斥屢犯不悔改。
資料圖片：Pixabay
有網民提醒「小心又放假」，擔心佢再被公司雪藏。193回覆「唔會啩，我已經小心咗」，並聲稱已check過該網民非公司人員，自己「冇鬧佢」。
姣姐講多句
有影響力就代表有責任。數十萬粉絲跟住你個帳號走，一句「釋懷咗好多」就夠個素人捱成日。公審一個素人，唔係「冇鬧」咁簡單，權力不對稱嘅嘢，睇過就該收手。
