入行半世紀嘅劉松仁，拍過《陸小鳳》《大時代》嘅人近年深居簡出，鮮有公開露面。不過近日佢主動出擊，罕有咁逐條回應網上流傳多年嘅謠言，由感情史到個人身世，一次過闢清。
今次佢亦罕有提及與太太蘇嘉燕嘅關係。原來劉松仁1992年喺搭往加拿大嘅航班上，遇到當時任職空姐、細自己約20歲嘅蘇嘉燕，幾個月後就閃婚，至今相愛逾30年。針對外界對佢老婆嘅各種揣測，劉松仁一一駁斥：「『太太是泰國人』不實、『我比她大二十歲』不實、『當年寫藏頭詩追求她』不實。」佢又話：「我從來未寫過情詩給女孩，都收藏在《沒有寄出的情書》那本書裏。」
最經典的一句係佢代老婆發聲：「若果要形容她，請用『靚女』兩個字。」至於婚照，佢答：「現實生活裏，與太太沒有拍過一張結婚照。」——拍咗幾十年戲，婚照零張，真係「角色劇照多過婚禮照片」。
佢同時否認早年同李影有過7年戀情（稱兩人到晚年都係老友，每次去加拿大仲住佢借嘅大屋）、暗戀趙雅芝、同鄭少秋不和，更嚴正否認「早年很恨我媽媽」：「關於胡亂編造我媽媽的消息，我會有種莫名的憤怒。」
姣姐講多句：老字號霸氣護妻，代老婆一句「靚女」就夠有記憶點，仲順手闢完一輪謠言，呢波反擊又正又快。婚照零張、相愛30年，婚姻從來唔靠一張相維繫，靠嘅係幾十年嘅實際生活。
黃姣姐整合｜頂硬上
