李鐘奭3日登上網絡節目《Salon Drip》，講起 Disney+《再婚皇后》嘅選角趣事。佢喺劇中飾演西王國王子海因里，是次亦係繼《聽見你的聲音》、《皮諾丘》之後，第三度同趙秀沅導演合作。佢話當時導演係好似同佢商量事情咁聊起呢部戲，佢本身已經知道原作，仲期待會由邊個來演，冇諗到最後竟然會揾到自己。
最搞笑就係佢話當初點解會拒。李鐘奭笑講，海因里係一個「光是眼神對上就會讓人昏倒」嘅美男子，令佢壓力好大，甚至仲推薦其他演員去接。佢直言：「海因里真的要由非常漂亮的『大帥哥』先可以演，如果係其他人演，我都會好樂意當觀眾欣賞。」趙秀沅導演冇放棄，向佢保證「不會讓你太辛苦、戲份也不多，但很有存在感，只要人來就能輕鬆拍攝」，最後成功説服李鐘奭點頭。
不過點知真開工之後完全唔係回個事！李鐘奭透露，為演海因里，佢要學騎馬、練華爾滋，仲要跟劇組去德國、捷克，甚至遠赴濟州島取景。導演當日講嘅「輕鬆拍攝」，最後變成一連串新挑戰。
仲有，李鐘奭對海因里嘅造型都特登講究，甚至親自參與戲服設計。佢話某次睇林英雄演唱會，由舞台服裝攞到靈感，覺得若將類似元素融入角色戲服會好適合，之後親自揾參考圖、研究服裝製作工作室，從演技到造型都投咗唔少心思。
姣姐講多句：一個男星嫌自己角色太帥要俾人接，自謙之中自誇，呢種「大帥哥先夠格」嘅心態，韓劇男星嘅自戀文化真係做到盡。更離譜係導演當日話「輕鬆拍攝、戲份不多」，結果要學騎馬、學華爾滋、跑三個地方取景——呢個「輕鬆」嘅定義，真係有冇搞錯。🤣
黃姣姐整合｜頂硬上
