南韓45歲超模金自然（김자연）11月1日透過Instagram公開婚紗照，甜蜜宣佈：「各位，我結婚了！」結婚對象來頭不小——正是現年70歲的三星電子前總裁孫英權，兩人相差25歲，婚禮喺瑞士舉行。
金自然透露，原以為自己會一輩子不婚，「沒想到過了40歲，兜兜轉轉，終於遇見屬於我的那個人」。更特別嘅係，佢哋相識嘅地方，竟然係麻省理工學院（MIT）——不過唔係普通同學，係學長、學妹關係。
「我們原本在各自的領域走著不同的路，2年前以麻省理工學院學長、學妹的身分初次見面。」金自然解釋，兩人先以朋友身分相處累積信任，今年初確認彼此心意後，往返美國、南韓及歐洲，在經歷兩年互相理解後，決定攜手共度一生。佢坦言：「因為有這2年以朋友身分相處所累積的信任，成為戀人後，我們並沒有花太久時間，就決定攜手共度往後的人生。」
婚禮地點亦別具意義——瑞士Bürgenstock Resort，正係奧黛麗赫本1954年舉行首場婚禮嘅地方。據報道，婚禮低調舉行，僅邀請至親好友到場見證。
金自然本人亦非泛泛之輩。她1981年出生，2003年拿下SBS《超級名模選拔大賽》冠軍入行，其後赴紐約流行設計學院（FIT）主修時尚管理，再到MIT取得工商管理碩士（MBA），論文主題為「科技對時尚產業帶來的顛覆性影響」。
圖片：Artyom Svetlov／CC BY 4.0／Wikimedia Commons
男方孫英權則曾任三星電子社長兼首席策略長（CSO），主導了當年轟動業界的哈曼收購案，現任三星半導體諮詢委員會主席、哈曼國際董事會主席，同時係矽谷一家創投公司嘅創辦人，事業版圖橫跨科技與投資。
金自然在文中不忘曬甜蜜：「比起這些事業上的成就，丈夫更是一個真心珍惜我、愛我，總是體貼並尊重我的温暖的人。而且，他覺得高個子的我非常可愛。」
婚訊公開後喺網絡引發兩極議論。金自然以一句「每個人都有屬於自己的花期」回應，並感謝支持者一路以來的祝福。
姣姐講多句： 45歲喺MIT唸書，發現學長原來係70歲三星大Boss，先做咗兩年朋友先拍拖，再行去赫本辦過婚禮嘅個酒店結婚——呢個劇情線，影視公司寫唔出嚟。佢自己講「每個人都有屬於自己的花期」，講得好有水平：40年後先開花，係遲定係正？我哋未必知道，但佢自己心入面清楚。網絡上有人質疑、有人祝福，唔使理佢哋，花期係自己嘅事。
黃姣姐整合｜頂硬上
