日本偶像服裝設計師「栗栖しおん」（@kurusu_costume）日前喺社群媒體晒出由設計圖到實際縫製完成嘅一套草莓蛋糕主題偶像服，成品連水鑽、緞帶光澤都一一還原，引起廣泛注意，相關內容收錄300萬次瀏覽、累積超過10萬like。
呢次嘅主題好特別：源出自一位網民以甜點為靈感繪製嘅偶像服設計圖，以草莓蛋糕同糖果為核心。大量白色同粉色布料、荷葉邊裙、蓬鬆嘅泡泡袖，再加胸前同裙幅嘅粉紅緞帶、糖果同草莓吊飾，由頭到腳都係夢幻少女感。
真正令人印象深刻嘅，係設計師將手繪稿近乎完整咁「如願以償」製作出嚟——設計圖入面嘅蕾絲元素、奶油感同甜點色調，喺成品上全部有對照；而手繪稿呈現唔到嘅緞帶光澤、以及額外貼上嘅水鑽，仲比原稿更吸睛。
更難得係，佢喺另一帖文提到：因腰部緞帶顏色唔合心意，特意重新製作，自稱現在嘅成品係「Perfect」版，並表明「雖然是細小的變化，但對我來説很重要」，將專業堅持灌注入每一處細節。
最後仲有模特兒實際穿上嘅畫面，由設計圖、完成品到上身上身，整套流程都公開發表，將「從想像到現實」嘅創作過程完整呈現。
姣姐講多句：呢種由設計圖到成品、再改到「Perfect」嘅嚴謹度，喺日本偶像產業嘅視覺文化入面都係少見嘅透明化創作流程。用點心將「夢想」變成可觸摸嘅實物，本身就係一種值得肯定嘅專業態度。
黃姣姐整合｜頂硬上
