你平時講電話，會將部機貼耳定平放喺面前？日本山陰電視台最近做了個街訪，問后生仔哋平時點攞部手機講嘢，結果發現一個好有趣嘅趨勢。
調查發現，年輕人嘅講電話姿勢大概分兩派：一派係傳統聽筒式，將手機貼耳；另一派就係將手機平放舉喺面前，呢個姿勢被稱為「披薩拿法」，因為真係好似手舉緊一片披薩。不過最大嘅發現係——超過半數受訪後生仔，平時根本唔會將手機貼耳。
點解後生仔唔肯將機貼耳？街訪入面有幾種法。有人話貼耳好怕郁錯螢幕，「有時候會不小心掛掉電話」；有人話「旁邊冇人的話，我就不會貼著耳朵」，私底下隨意嘅嘢就平放講；有人會分公事定閒聊，「隨便閒聊同需要仔細聽內容嘅重要公事，拿法就會唔一樣」。都有人話本身戴緊無線耳機，部機放口袋即已經唔使貼耳。
專家指，呢個同後生仔重視「TP值」（時間效益比）嘅習慣有關。專家話，將手機貼耳、專心講電話呢個動作，對後生仔嚟講已經過時，佢哋覺得邊講電話邊做其他嘢先至得。亦因為後生仔本身就冇用傳統電話嘅經驗，好多屋企連市話都唔曾裝過，自然唔會學長輩呢個「聽筒式」手勢，專家更指出呢個手勢可能正慢慢變成懷舊產物。
姣姐講多句：呢個真係一單好細但好有趣嘅生活觀察。貼耳聽電話呢個手勢，喺我哋呢代係「正確姿勢」，但對後生仔嚟就真係好似舊時人攞電磁吸鐵石咁——唔係唔識用，係根本冇經歷過，自然冇呢個條件反射。下次你見後生仔舉緊部機平放喺面前講嘢，唔好以為佢癲，只係佢哋嘅「正確姿勢」同我哋唔同而已。
黃姣姐整合｜頂硬上
