日本24歲女公關ゆいぴす（YUIPISU）近日同日本百萬訂閲YouTuber「終わった人」合作，變身《全職獵人》（HUNTER×HUNTER）入面基路亞嘅哥哥伊路米，神還原嘅男裝造型一經放上社群平台，即引發熱議，相關貼文吸引高達724萬次瀏覽。

ゆいぴす係東京六本木知名女公關，Instagram擁有超過51萬名粉絲，平時喺社交平台分享生活日常、美妝心得同親手做嘅料理，並自稱身高170公分、體重47公斤。今次佢同以「低成本Cosplay」聞名嘅「終わった人」合作，挑戰扮演伊路米，反差感強烈，引來大批網民圍觀。

網民反應相當熱烈，有人驚呼「妳的身材跟伊路米真的好像」「真是太可愛了」「妳很適合男裝打扮」，甚至有人留言「原本以為妳很高冷，沒想到這麼搞笑，對妳改觀了」。

除咗今次嘅Cosplay，ゆいぴす對自己嘅整形經歷亦毫不避諱。佢曾自曝為改變外貌，前後花費約1000萬日圓（約50萬港元）進行全身整形，並幽默自稱係「改造人」；更特別嘅係，佢利用整形手術後嘅恢復期，喺左手手背植入晶片，讓客人只要拿手機感應，就能讀取佢嘅聯絡資訊，做法喺佢受訪公開後，亦引發網友熱烈討論，直呼「很有科幻小説的感覺」。

姣姐講多句：伊路米喺原作係個會用刺針操控人嘅反派，一個性感女公關扮到神似，本身就係一種反差美學。日本成人Creator嘅賣相從來唔係唯一賣點，敢於突破、敢於玩「低成本」反差嘅創意，先係真正令人眼前一亮嘅地方。

黃姣姐整合｜頂硬上