94歲、搭43小時火車、一個人，呢三樣嘢放埋一齊，你大概會以為係乜都市傳説，但呢單嘢就係發生喺10月10日。江蘇無錫嘅譚姓爺爺，10月10日一個人登上了直達拉薩嘅Z164次綠皮火車，10月12日順利抵埠，前後行咗43小時47分鐘。返工搭車最恨人哋喺我耳邊吹水，都唔見幾耐。
事緣喺旅行社會絕咗。高齡到冇一間旅行社敢接單帶團，全家又強烈反對，但阿伯唔服輸，索性轉做「自由行」，自己搞。
搞到乜程度呢？這趟拉薩之行，車票、機票、酒店，全部自己喺手機App落單，景點海拔同路線都自己查。打車熟練到懂得揀「拼車」省錢。最得意係，佢女喺佢手機裝咗個AI助手，佢出發前仲問過AI：「94歲能不能去拉薩？」——94歲喺度同AI傾人生，呢個畫面自己細味。
抵拉薩之後，布達拉宮、大昭寺，逐一打卡，精神矍鑠、步履從容，冇頭暈冇缺氧。喺八廓街早餐店同佋偶遇嘅蕭女士，仲主動幫佢買單，話佢嘅「心態和身體狀態真的震撼了所有人」。
原來呢位阿伯祖籍廣東，喺馬來西亞出生長大，19歲返國，1954年考入上海交通大學，畢業後喺南京工作，退休定居無錫。佢話自己已經走遍全國33個省級行政區，西藏因為係「挑戰難度最高」，留咗做最後一站。
旅程完成，「全國巡遊」劃上句號，但佢笑住話：去程未止，下一個目標係廣西平陸運河同合肥。有問佋對後輩有乜叮囑，佢笑住話：「少熬夜，多出去走走，無論想去哪兒，先試着勇敢地邁出第一步。」
網民留言「心有山海，永遠少年」，有話呢單嘢「治癒咗我嘅年齡焦慮」。
姣姐講多句：94歲問AI，你幾時先會問？網民話「永遠少年」，但係真係。
