馬浴柯、梁洛施呢對銀幕情侶檔新片《重生2》（Go for Broke 2），本週六（11月7日）港澳正式上映。呢部由馬浴柯（《怒潮》、《重生》導演）執導兼編劇、梁洛施、文俊輝、洪金寶主演嘅犯罪動作大片，因片中連場爆裂槍戰、近身血腥肉搏同衝擊尺度嘅黑市罪惡情節，已獲評定為三級影片。
話「三級」，呢部片其實同色情無乜關係，純係暴力尺度過線。
梁洛施（Isabella）今次飾演「絕地女殺神」希拉，一個愛子淪為黑市罪惡鏈犧牲品、以母愛為刃絕地反擊嘅母親。佢話呢次係自己從影以來演過最立體豐滿嘅角色：「我好鍾意希拉，但同時亦格外心痛她坎坷的遭遇。她身上有極致的脆弱與強大，當最愛的骨肉被奪走，她只能以母愛為刃絕地反擊。」戲中佢刀槍輪番上陣，佢自認呢係第一次接觸如此密集嘅打鬥戲份：「槍械、冷兵器這些的使用對我而言都是全新嘗試。拍攝途中雖也遭遇了困難，但我十分享受這個創作過程。」
男主角文俊輝飾蘇誠，同樣因黑市買賣痛失妹妹嘅復仇者，佢話自己用略顯生澀嘅動作去塑造人物：「他所有的瘋狂狀態是為他的理智和復仇所服務的。」反派黑手佐曼由洪金寶飾演，佢仔佐克由白客演。
導演馬浴柯話，對希拉而「重生」係一道由她自己主宰嘅選擇題；對蘇誠而言能否真正放下仇恨，「這個答案我交由觀眾走入戲院親自解讀」。
姣姐講多句：睇落個故事同角色都唔少料，梁洛施由以前嘅温柔形象轉攻大銀幕復仇殺女，形象反差真係幾大。有興致的話，星期六去戲院驗證下自己，記住帶足精神，呢部係三級。
