TVB劇集《璀璨之城》昨日（4日）一集，張曦雯嘅角色徹底「黑化」，做出大暴走，而高海寧就俾車撞到「飛起」，圍住車翻滾。
劇情入面，高海寧同吳卓羲發生過性關係，令張曦雯發現吳卓羲最深愛嘅始終都係高海寧，由愛生恨。
跟住張曦雯開車衝上嚟，將喺路上行嘅高海寧撞正，而且撞完仲無煞車，高海寧由車頭飛起，一路翻滾到車尾先落地。
高海寧送院急救，周身多處骨折加腦內瘀血，一如既往喺醫院瞓住唔醒。張智霖知道係張曦雯搞嘢，就把佢抓走「報復」。
姣姐講多句：呢部戲真係一集誇張過一集，車撞到飛起翻滾到車尾，我哋呢個劇集係咪買咗車險？
