近年港人去日本食Omakase係一種「打卡儀式」，但點都想不到，你平時自以為嘅「專業吃法」，喺日籍大廚眼中其實係極之失禮。
YouTube人氣日本旅遊頻道《Japan Walker HK》嘅主持理惠Rie，近日喺影片中將壽司禮儀同日語教學合埋一齊，逐個列出港人最容易犯嘅6大壽司禁忌，令好多「老手」都無地自容。
【1】Wasabi直接撈入豉油
Rie話呢個係最經典嘅NG行為。將Wasabi同豉油碟攪埋，會令味道變得混濁，完全掩蓋咗高級Wasabi嘅香氣同魚肉鮮味。喺師傅眼中，呢個動作近乎侮辱。正確做法係將Wasabi放喺魚肉上，再輕輕點一啖豉油。
【2】用飯底蘸豉油
好多人習慣將壽司翻埋落嚟，用醋飯直接吸飽豉油。Rie指出呢樣會完全破壞飯嘅口感，味道又過鹹。正確做法係將壽司側放，用魚肉嗰面輕輕蘸取。
【3】將壽司咬開一半
壽司講究魚同飯嘅黃金比例，咬開一半即破坏咗整體平衡。Rie建議如果覺得太 bulky，最好喺師傅做嘅時候禮貌地要求「少飯」。
資料圖片：Pixabay
【4】噴過濃嘅香水
喺高級壽司店，嗅覺亦係品嚐嘅一部份。
【5】薑片當配菜
呢個係好多港人最容易搞錯嘅一點。Rie話薑片並非配菜，唔應該同壽司同時入口。正確用法係食完一件壽司後食一片薑，清口消除前一貫魚肉嘅餘味，準備品嚐下一道食材。
【6】「相機食先」拍太久
Rie強調壽司放下後嘅30秒內係最佳賞味期，温度同質感都會隨時間變化。拍手機拍太久，温度散咗，就浪費咗師傅嘅心血。
姣姐講多句講真，港人食壽司真係好似返工食茶餐廳：薑片同魚同食、嘔兩聲「唔該多少芥末」，將日料店當茶餐廳咁玩。Rie呢條片其實唔係挑釁，而係真心想講清楚文化差異。下次去日本食Omakase，記住：30秒內落口，唔好翻到飯底去，同埋——薑片唔係俾你夾喺壽司入面嘅。
黃姣姐整合｜頂硬上
