早餐食肉包，突然之間覺得味道好怪，再定眼一望，櫃底躺住一隻死老鼠——呢個唔係恐怖片，係海南定安劉先生實實在在嘅經歷。

據瞭解，劉先生日前朝早喺當地一家快餐店買咗1個肉包、2個饅頭同2隻雞蛋，肉包吃咗兩口就覺得有異味，「形容帶有一股死老鼠嘅氣味」。食完想再拿食物，低頭睇保温櫃，先發現最底層竟然躺住一隻死老鼠。佢話：「我都吃了，才發現。」拍完片走人，再向當地市監局舉報。

店方10月8日回應，解釋係前一晚蒸櫃門未關嚴，老鼠夜間跑入櫃內，死鼠同未售出嘅包子已經處理咗，當日買包嘅顧客可申請「退一賠三」。店長符女士話店內每日都有做消殺，會盡量清潔，避免再發生。

定安縣市場監督管理局同日發出通報，派執法人員到場調查，確認情況基本屬實，涉事店舖為「定安定城春萍茶店」。當局已下達整改通知，勒令店舖立即停業整改、涉事設備全部停用銷毀，並移送綜合執法部門立案查處。

據《中國食品安全法》第148條第2款，經營明知不符安全標準嘅食品，消費者除要求賠償損失外，可要求支付價款十倍或損失三倍嘅賠償金；增加賠償金額不足1,000元人民幣，以1,000元計算。

姣姐講多句： 呢個就係典型「行政式處置」嘅示範課——鼠仔跑進保温櫃，店舖關，設備銷，案立查。程序上一步都唔少，就係嗰幾個包嘅命運，已經冇人再提。「退一賠三」四個字，對一個食咗半個死鼠味肉包嘅人嚟講，究竟賠咗幾多嘢，大家自己諗嚇。

黃姣姐整合｜頂硬上