法例剛通過一個禮拜，新南威爾斯州長 Chris Minns 喺 2GB 電台自爆「我用一次性杯」，翌日環境部長即稱要「釐清」，撤銷罰到 11 萬澳元的咖啡杯規定。
週二上 2GB 電台，新南威爾斯州長 Chris Minns 接受訪問，講到咖啡杯新法，話政府「任何地方都冇打算取消一次性紙杯」，仲自爆一句：「我用一次性紙杯，大部分人都是用一次性紙杯。我唔知我哋解釋政策有冇做得夠好。」
翌日朝早，環境部長 Penny Sharpe 上 2GB 電台，話同 Minns 傾過，要「釐清」：法例同最高 11 萬澳元嘅罰款一齊撤。
呢個「釐清」離法例喺國會通過，唔夠一個禮拜。
資料圖片：Pixabay
事件背景：法例原本要求 2028 年起，咖啡店客人在店內飲嘢時須提供杯或玻璃杯；經營者若唔加入可重用杯計劃，最重罰 11 萬澳元。係政府應對塑料廢棄嘅一環——雪梨垃圾填埋場預計 2030 年塞滿。
上週 The Daily Telegraph 頭版「『Nup』to the Cup」，咖啡店老闆集中投訴加入可重用杯計劃嘅成本。週二反對黨話若贏下屆選舉會即刻取消。One Nation 仲要將僱主薪酬税減半，郊區減到零。
Minns 喺訪問入話，「任何調查，任何指標」，下屆 3 月大選，One Nation 領導人 Mike Newman 會做州長或反對黨領袖。
硬蕉抽兩句：一條法例，一週前仲「必須保留」，一週後就「需要釐清」，中間只隔咗一次訪問同一個「釐清」。環保法例喺權貴面前原來係選擇性嘅，同佢哋對香港新聞自由嘅「選擇性」如出一轍。一個「釐清」就抹掉一條法例，好乾淨。
硬蕉哥整合｜頂硬上
