中國網紅「張澳」揹着噴霧器，喺日本山梨縣河口湖著名景點「留守岩」草地噴灑液體嘅影片近日喺網上流傳，即刻引發炎上。
片中張澳以留守岩為背景，指向雲層下嘅富士山，手持噴霧器向岩石周邊草地狂噴，期間大笑。佢用中文吐槽河口湖畔「任哪都雜草叢生」，仲話「你説這小日本到有多懶，都不知道打打藥嗎？」
張澳聲稱自己「從家中帶來藥機」，話要「我給你打藥」「藥死你這些雜草」，自認為係「做好事不留姓名」。最離譜嘅係，佢事後喺影片下方留言補刀：「裏面是純淨水」。
山梨縣治水課表示已掌握影片，將開始確認事實關係，包括該處土地由誰管理，以及草地有否枯萎。山梨縣富士・東部建設事務所吉田支所指出，留守岩屬國立公園範圍，相信位於河川區域內，惟土地由誰擁有及管理仍待調查。
硬蕉抽兩句
「裏面是純淨水」呢句補刀，大概係今年全網最誠實嘅自我否定。噴咗成段嘢先話係清水，同「我冇講錯」係同一層次嘅洗地。留守岩就留係留，留得住富士山，留唔住人心。日本政府部門好認真喺度查「草地有冇枯萎」，查完大概會發現水好純，純到無人信。
硬蕉哥整合｜頂硬上
