墨西哥坎昆一宗疑偷情幽會被丈夫破門撞破，涉事男子倉皇爬出三樓後窗逃命，最終力竭墮地，幸無大礙，全程被目擊者拍下。
10 月 13 日，墨西哥坎昆（Quintana Roo 州）Supermanzana 260「Cielo Nuevo」住宅區，上演了一齣真實版「捉姦現場直播」。網上流傳片段顯示，一名只穿短褲、赤裸上身的男子，正懸掛喺三樓住宅嘅窗户外，雙手死命抓緊窗台，最終力竭失手，背部著地重墮水泥地面。途人見狀即時報警，急救人員趕到現場將其送往坎昆綜合醫院。
據目擊者講，事件係該男與一名已婚婦人喺室內幽會，婦人丈夫突然返家破門撞破。為避免正面衝突，情夫倉皇爬窗逃命，卻冇料到自己體力唔夠，半個人都掛喺窗外，最終仍墜落。當地警務及政府部門表示，事件仍在調查中，官方尚未正式確認其具體傷情；有當地傳媒引述醫生指，男子沒有嚴重骨折、無生命危險。
呢種「偷食爬窗逃生」嘅橋段，其實唔係第一次出現。此前中國浙江有男子喺飯店偷情被妻子撞破，急得只穿一條鮮豔內褲爬出窗外，仲掛咗數層樓高嘅巨型發光招牌；廣東近期亦有疑第三者女子，被提前返家嘅妻子撞破後，由男方推上陽台，之後拿住手機徒手沿排水管同狹窄窗台往下爬，幸得樓內住户及時開窗伸手，先幫佢脱離懸空險境。
硬蕉抽兩句：成件事最搞笑嘅，係「捉姦」同「爬窗」嘅權力雙重標準——丈夫破門而入，喺任何地方都被視為天經地義、合情合理；情夫爬窗逃走，就成為全网笑柄同「不體面」。同一場風波，一個係「正義執行」，另一個係「奇聞錄像」。原來喺呢個世界，合法嘅人冇需要爬窗，要爬窗嘅人，都冇合法嘅理由。
硬蕉哥整合｜頂硬上
