最近日本網絡上有一場討論鬧得幾熱鬧，主角竟然係動漫人物嘅眼球——究竟係「外凸」定「內凹」。
起因係日本繪師「よろづ」喺Ｘ（Twitter）撰文，以正播映緊嘅《名偵探光之美少女》同2004年初代《光之美少女》嘅側臉鏡頭比較，指出近年動畫中角色眼球嘅畫法似乎由外凸逐漸改為內凹。佢猜測呢個轉變同近年日本動畫大量引入3D技術有關——動畫師同繪師都須配合3D模型，2D畫風因此被帶走。
呢個「理論」一出，馬上引爆大量討論，不過結論出乎意料：大部分日本網友並唔買單。
「大概30年前就有這種畫法了，跟3D沒關係吧。」一位網友直説。另一位補充：「早在3D動畫還沒普及、動畫還用賽璐珞手繪的時代，就有不少作品把眼球畫成內凹的。」看到《名偵探光之美少女》嘅內凹眼，佢竟然有種「懷舊感」。
最離譜的反轉理論出自另一位網友：「反了吧，應該是3D為了配合2D，才會把眼球變成凹陷。」佢認為模型師係參考咗過去美少女遊戲嘅2D表現先做3D，而唔係相反。
有人更搬出日本動畫泰斗手塚治虫嘅作品：「手塚治虫就這樣畫過。」另一位網友更指出內凹表現手法源自1970年代嘅少女漫畫，跟3D風馬牛不相及。甚至有畫師分享自己1993年就畫過內凹眼球嘅舊作，感慨「現在算是流行再度回歸了吧」。
最後一位網友貼出37年前嘅懷舊電腦遊戲設定資料，寫道：「這種側臉的畫法，至今還是讓我覺得太美了，感謝你讓我回想起來🙏✨」
姣姐講多句：一場好認真嘅討論，結論係「呢個畫法三十年前就有了」，然後大家各自貼出懷舊圖，氣氛忽然由學術辯論變成故紙堆懷舊會。日本網友嘅考古能力真係一流，一有嘢問就有人搬出1970年代嘅書。
黃姣姐整合｜頂硬上
