近日楊詩敏（蝦頭）、瑪姬同江若琳齊齊現身校園，搞巡迴講座同師生傾嚇。講到最入骨嘅就係向來自帶喜感嘅蝦頭，佢喺分享環節話童年學踏單車，靠住一股衝勁一星期就學會。
不過真正令全場笑爆嘅係另一段「黑歷史」。蝦頭話停車要環顧四周，佢當年未留意周圍，一腳就踩中流浪狗嘅食物盤，引嚟只狗狂吠。「過程既搞笑又驚險」，佢自己咁話。呢段經歷，佢仲藉此提醒學生，騎單車要留心、注意安全。
姣姐講多句：學踏單車一星期搞掂，呢個唔錯，但踩中狗糧呢出，係「社死」級操作。呢種黑歷史都敢喺校園公眾場合出嚟講，確實夠膽。
黃姣姐整合｜頂硬上
