韓國男神朴寶劍今日（15日）現身金鐘舉行嘅品牌活動，吸引大批粉絲到場圍觀。
甫出場，呢位有「暖男天花板」之稱嘅男神即以廣東話同粉絲打招呼：「大家好，我係朴寶劍，我掛住你哋！」開口幾句地道，令場內尖聲聲一片。
佢除咗分享生活品味，仲大展親民作風：不停派心心手勢、鞠躬答謝支持，更坐低喺地上同粉絲影大合照，之後繞場一週近距離同大家揮手，亦應要求送親筆簽名。
姣姐講多句：韓國偶像坐低同粉絲「貼面」影合照、繞場派簽名，接地氣到冇得頂；但最令姣姐印象深刻嘅係佢話明年想挑戰香港越野跑——由男神變跑者，下次跑友喺山徑撞見佢，可唔可以忍得住尖叫，實係考驗。
