唱紅《演員》同《醜八怪》嘅內地歌手薛之謙，最近喺錄製音樂節目《音樂緣計劃3》受訪時，突然話出「現在都已經44歲了，我還有六年就退休了」，言下之意係大約50歲就退居幕後，令現場同網上粉絲都嚇一跳。
其實呢個想法佢早都講過——之前喺拆箱直播入面提過想在50歲退休，但當時粉絲都當係他隨口開玩笑，冇人認真。冇料到今次喺節目中正式講出，反而比直播嗰陣更令人意外。更反差嘅係，佢而家仲忙緊「萬獸之王」巡迴演唱會，上一日都仲喺廈門場見到粉絲高喊「唱到100歲」，佢都只係笑笑話「盡力而為」。
佢話希望喺退休之前，能看到更多原創音樂人站出來接班，自己則準備退居幕後。
圖片：GEM Ady／CC BY 2.5／Wikimedia Commons
粉絲反應兩極，有嘅不捨想挽留，有嘅尊重佢嘅決定。不少人分析所謂「退休」大概只係不再有大型巡演，應該轉居幕後繼續發歌或開小型見面會，相信偶像「肯定不會徹底離開」。
姣姐講多句：一個歌手喺最紅、最忙、仲跑緊巡演嘅時候，突然話「我64歲就收工」，呢個心態好正。係呀，工作做到一半話「我唔玩喇」，仲要講畀全網知。不過50歲對於歌手嚟講仲好嫩，睇佢2024年已經喺節目做常駐嘉賓，而家仲跑緊多城巡演，氣力真係未斷過。希望佢喺「退休」之前真係能見到更多原創音樂人站出來。
黃姣姐整合｜頂硬上
